Da 10. oktobra Leivuonā, Latgolys Muokslys i Omotnīceibys centrā, ekspozicejā “Omotnīki Latgolā 19.-20. gs.” apsaverama izstuode “Veļas diena”.

Drēbu vuoreišona voi bersšona iz velis dieļa myusu dīnu, ar tehnologejom pīsuotynuotajā kasdīnā, ruodīs piļneiga aizviesture. Laiks īt, tehnologejis i īspiejis atsateista, mainuos paaudzis i kasdīnys rytms, mainuos tradicejis i īrodumi. Partū Latgolys Muokslys i omotnīceibys centra ekspozicejis kruojuma globuotuojai Silvai Pūdnīcei roduos ideja izveiduot nalelu izstuodi ar nūsaukumu “Veļas diena”, kur radzamys viesturiskys vysaida veida tekstilejis nu ekspozicejis “Omotnīki Latgolā 19. – 20. gs.” kruojuma, kai ari sagataveita informaceja par tū, kai ituos tekstilejis saimineicys kūpe nu jau paguojušajā godu symtā.