Da 6. augusta Ludzys Nūvodpietnīceibys muzejā apsaverama Dobys aizsardzeibys puorvaļdis veiduota fotografeju izstuode “Zili zaļā galerija”, kurā vizuali var īpazeit dobys i kulturviesturis vierteibys Latvejis i Boltkrīvejis pīrūbežā.

Izstuodē apvīnuotys Latvejis i Boltkrīvejis pīrūbeža eipaši aizsorguojamūs dobys teritoreju – aizsorguojamūs ainovu apvyda “Augšdaugava” i nacionaluo parka “Braslavskije ozera” gleznainuokūs ainovu i rakstureiguokūs dobys vierteibu fotografejis. Nu Latvejis pusis izstuodē eksponāti fotokonkursa “Mana Augšdaugava” lobuokūs autoru dorbi, bet nu Boltkrīvejis pusis izstuodē īkļauti nacionaluo parka “Braslavskije ozera” zynuotnis dalis īsnīgtī fotoarhiva materiali.

Izstuode ir radeita Latvejis – Lītovys – Boltkrīvejis puorrūbežu sadarbeibys programys 2007. – 2013. godam Eiropys sābru attīceibu i partnereibys instrumenta projekta “Pārrobežu aizsargājamās dabas teritorijas “Augšdaugava – Braslavas ezeri” izveide un priekšnoteikumu radīšana tās integrētai pārvaldībai” ītvorūs.

Karteņa: daugavpilsnovads.lv