Latgalīšu muziki aktivi pīsadola vysaidūs muzykys topūs i aptaujuos. LaKuGa apkūpoj vareibys jūs atbaļsteit.

Latvejis Radejis 2 organizātajā Muzykalajā bankā pīsadola grupa “Dabasu Durovys” ar dzīsmi “Šūpuļdziesma”. Par jim vareiba bolsuot ite. Atguodynuosim, ka Muzykaluos Bankys 2014 goda finalā “Dabasu Durovu” dzīsme “Sejas grāmata” tyka pi 9. vītys.

Dzīsmineica Laura Bicāne ar dzīsmi “Sirds ir okeāns” pīsadola Radejis SWH raidejuma “Priekšnams” bolsuojumā. Lauru var atbaļsteit ite, taipat bolsi teik daskaiteiti ari par daleišonuos socialajūs teiklūs. Itymā topā dzīsmis ceinuos par tikšonu kaidā nu SWH radeju staceju rotacejom, taipat lobuokūs dzīšmu izpiļdeituoji pīsadaleis eipašā koncertā “Priekšnams piedāvā”.

Niu vosorys puortraukums īsastuojs šlagermuzykys aptaujuos, nu jau dreizumā nūteikti ari itamuos aptaujuos byus dzieržamys jaunys dzīsmis nu latgalīšu izpiļdeituoju.