Piec kotru desmit godu augustā latgalīši sasateik Rēzeknē i runoj par Latgolys atdzimšonu. Pyrmajā saītā 1992. godā atkluoja pīminekli “Vienoti Latvijai” i izlēme veiduot Rēzeknis Augstškolu. Tūreiz taipat kai ūtrajā i trešajā saīšonā 2012. godā dalinīki runuoja par Latgolys medejim, ekonomiku, kulturu i raudzeja davērst Latvejis viereibu Latgolai.

Diskusejā ar vīnu nu 3. pasauļa latgalīšu konfereņcis reikuotuoju filologi Ilgu Šuplinsku, Daugovpiļs Universitatis rektoru Arvīdu Barševski, žurnala “A12” golvonū redaktori Ināru Groci i uzjiemieju Andryvu Stremjanovu nu Aglyunys teik runuots par tū, kas padareits nu īprīkšiejuo saīta 2012. gadā. Raidejums vaicoj, parkū problemys, par kuruom runoj, atsakuortoj reizi nu reizis, kai ari rauga atbiļdēt, kas aktivūs i uzjiemeigūs latgalīšus tur sovā nūvodā, parkū jūs ir tik moz i kas juodora, kab taidu, kurim ryup Latgola, byutu vaira.

Raidejumu klausīs ite.