5. augustā 15.00 Daugovpiļs Nūvodpietnīceibys i muokslys muzejā nūtiks Latgolys breivūs muokslinīku asociacejis izstuodis “Vēsturiskā Daugavpils” atkluošona.

Latgolys breivūs muokslinīku asociaceja tyka izveiduota 2003. godā. Itūšaļt asociacejā dorbojās 18 dalinīku, kas ir i profesionalī muokslinīki, i vīnkuoršai muokslinīki amateri. Asociacejis vadeituoja ir Marija Safronova. Rodūšais kolektivs aktivai pīsadola kai kolektivajuos, tai ari personalizstuodēs. Dorbu izstuodis ir bejušys na tik Latvejā – Daugovpilī, Reigā, Rēzeknē, Kruoslovā, Īlyukstē, Valkā, Viļānūs i Ludzā, nu ari Lītovys piļsātuos – Viļņā, Zarasūs i Ignalinā.
Izstuodis “Vēsturiskā Daugavpils” dorbu autori – Juoņs Daukšte, Marija Safronova, Liliāna Čukste, Valentina Vorotnikova, Anastaseja Sazankova i Larisa Sergejeva ir īmyužynuojuši i Daugovpiļs breineigūs dobysskotus, i klusuos dobys ainys, i ari nūzeimeiguokūs piļsātys arhitekturys pīminekļus. Kūpā izstuodē byus apsaveramys 25 Daugovpiļs autoru gleznys, kas atkluoj muokslinīku rodūšū energeju, izjiutys i vierteibys.

Izstuode apsaverama da 6. septembra.