Pīduovojam nūsaklauseit producentu grupys SIA “Lietišķā Latgale” taiseitūs raidejumus “Pi myusim Latgolā!”.

Catūrtdīnis raidejumā jaunuokuos i interesantuokuos kulturys aktualitatis itam nedeļgolam. Vuorkovys nūvoda svātku ītvorūs nūsarysynuos Tautys muokslys festivals “Pyurs i Luode”, Ludzys piļsātys svātki suoksīs ar sportiskom aktivitatem, nu Baļtinovys nūvoda parka estradē jau 20. godu apmaklātuojus nu molu molu aicynoj muzykys festivals “Osvalds”.

Pīktdīnis raidejumā teik dazynuots, kū dūmoj Latgolys uzjiemieji i cik bīži izmontoj Latgolys puorstuovnīceibu Reigā.

Sastdiņ raidejums īt gostūs pi Amerikys latgalītis Annys Motivānis, kura ari piec 60 godu svešumā nav aizmiersuse sovu dzymtū volūdu.

Raidejums “Pi myusim Latgolā” skaņ:

“Kulturys afiša Pi myusim Latgolā”:
radejā “Ef-Ei” – catūrtdīnēs 18.30 (atkuortuojums pīktdīnēs 12.30),
“Latgales Radio” – catūrtdīnēs 18.05 (atkuortuojums pīktdīnēs 11.05).

“Vārojam, vaicojam i viertejom Pi myusim Latgolā”:
“Divu Krastu radio” – pīktdīnēs 15.30 (atkuortuojums pyrmūdīnēs 10.30),
“Latgales Radio” – pīktdīnēs 16.30 (atkuortuojums sastdīnēs 11.00).

“Eimam gostūs Pi myusim Latgolā”:
radejā “Ef-Ei” – sastdīnēs 16.00 (atkuortuojums svātdīnēs 18.00),
“Latgales Radio” – sastdīnēs 14.00 (atkuortuojums svātdīnēs 11.00).

Vysus raidejumus sevkurā laikā var nūsaklauseit ari LaKuGā.

Raidejuma veiduotuojim var sekuot ari socialajūs teiklūs draugiem.lv i facebook.