Iz 25 godu jubileja koncertu 17. martā 19:00 Spīkeru koncertzalā Reigā aicynoj folklorys kūpa „Grodi”.

Folklorys kūpa dorbojās nu 1987. goda i koč ari darbeibys vīta ir Reiga, vys tik sūpluok repertuarā asūšom godskuortu, saimis gūdu, mitologiskom, buoriņu, karaveiru, dorba, sadzeivis i cytu tematu dzīsmem, muzykai, rūtaļom i dzygom, eipašu vītu ījam folklorys kūpys dalinīku senču dzymtuo nūvoda – Latgolys dzīsmis. Muzycejūt kūpā ar vacuokuos paaudzis tautys muzykantu nu Baļtinovys – Andreju Rancānu – „Grodu” instrumentalais skaniejums īgivs eipašu etnografisku kruosu.

Koncerts Spīkeru koncertzalā nūtiks divejuos daļuos, kurys sastuovēs nu kūpys 25 godu laikā sakruotuo repertuara, kai ari byus gaidomi pyrmatskaņuojumi. Pyrmajā daļā skanēs folklorys seņuokuos cilmis muzyka, kas boguotynuota ar improvizacejis elementim, ūtrajā – jaunuokuos ciļmis muzyka i daņči. Koncertā skanēs gon latvīšu, gon ari cytu tautu dzīsmis, muzyka i daņči „Grodu” i pīaicynuotūs gostu izpiļdejumā.

Īejis moksa iz koncertu 2,00 Ls; školānim, studentim i pensionarim 1,00 Ls.

Vaira par folkorys kūpu verīs: www.grodi.lv

Grodi – Ūgu bolss