“Kolnasātā” gastej muziks Kārlis Juosts, grupys “Momend” liders, gitarists i dzīšmu autors, ari basgitarists grupuos “The Sound Poets” i “Laika Suns”. Vysom grupom niu cīši aktivs laiks: “Momend” izdeve albumu paguojušuo goda beiguos, sovukuort “The Sound Poets” i “Laika Suns” beja nomināti Austrys bolvai par lobuokū goda albumu.

Ar Kārli Juostu, kurs pyrms preceibu ar muziki Alisi Juosti beja zynoms kai Kārlis Strūbergs, teik runuots par tū, kai jis datyka muzykā, kur satyka sīvu Alisi, i, kai jei saisteita ar Kārļa daleibu hiphopa apvīneibā “Rīgas centrs”.

Vuordineicys eksperti skaidroj, kas ir reklama, i vaicoj, voi tuos natryukst Latgolai.

Sovukuort Renāte Lazdiņa pietej, voi nu jaunūs pakolpuojumu centru, kurī regionūs niu pylda puors vaļsts i pošvaļdeibys īstuožu funkcejis, ir kaida jāga.

Raidejumu klausīs ite.