Dzīsme “Myužeņš jauns” ar Ontona Slišāna dzeju tyka radeita vīnam nu “Upeitis Uobeļduorza” festivalim. Dzīsme izauklāta i pīdzeivuojuse jaunys skanis postfolklorys grupys “Rikši” aranžiejumā, informej Laura Bicāne.

“Nu Ontona Slišāna dzejūļu izlasis mani uzrunuoja taišni dzejūļs “Myužeņs jauns”. Tai ari saucās dzīsme. Tī ir vyss – saime, bierneiba, jauneiba, prīca, saule pavasarī i rudinī. Saīt taids kai mozs CV, uzsvoru līkūt iz dzeiveibys duovonu, kuru dūts nūsorguot vacuokim,” tai par dzīsmi soka Laura.

Dzīsmineica soka lelu paļdis draugim nu grupys “Rikši” par sadarbeibu!

Dzīsme īraksteita studejā “Reiga”, miksēja i māsterēja Ugis Vilcāns. Video meistari: Sergejs Čakāns i Mihails Rižkovs.