Rēzeknē nūtiks diskuseja par nūvodvuiceibu
19. februarī Rēzeknis Tehnologeju akademejā nūtiks diskuseja “Novadmācība: reģionālās identitātes un valstiskās apziņas stiprināšanas iespēja”.
Diskusejis moderatore byus Ilga Šuplinska.
Vysupyrma diskusejis dalinīki varēs klauseitīs Veronikys Dunduris stuosteitū par pīredzi latgalīšu volūdys i literaturys vuiceišonā. Rūta Dortāne stuosteis par nūvodvuiceibys aktualitati myusu dīnuos, Muora Rozentāle i Dace Martinova – par nūvodvuiceibys aktualitati suitu nūvodā, Ilga Šuplinska – par nūvodvuiceibys filozofiskū koncepceju i praktiskū rysynuojumu, Guntars Catlaks – par kompeteņču pīeju vyspuorejuos izgleiteibys vuiceibu saturā, Anna Vulāne – par nūvodvuiceibys standartu.
Piec tam paradzāta diskuseja i prīšklykumu apsprīšona nūvodvuiceibys standarta i programu izveiduošonai.
Interesenti aicynuoti dasasaceit da 17. februara, zvonūt profesorei Ilgai Šuplinskai (26451355).
