“Dziga” ar koncertu Rēzeknē svieteis 25 godu jubileju
12. martā Latgolys viestnīceibā GORS sovu 25 godu jubileja koncertu svieteis Rēzeknis deju kūpa “Dziga”.
25 godu laikā tautys dejis i muzykys varā “Dzigā” izaudzynuots gondreiž 250 doncuotuoju i 25 godus kūpta dzeivuo muziciešona kapelā.
Jubileja koncertā pīsadaleis obeji deju kūpys “Dziga” sastuovi, kapelys “Dziga” muziki apsavīnuos lelajā “kuozu orkestrī”, kai ari pīsadaleis “Dzigys” bejušūs doncuotuoju izveiduotī kolektivi, kas ari doncoj “Dzigys” dejis (Ilmāra Dreļa horeografejā): Preiļu Vaļsts gimnazejis i KC jaunīšu deju kūpa “Dancari” (vad. Ilze Broka), Rēzeknis Kulturys agenturys videjuos paaudzis deju kūpa “Vadži” (vad. Inga Peļņa), videjuos paaudzis deju kolektivs “Daugaveņa” (vad. Vilma Tēraude), videjuos paaudzis deju kolektivs “Kūzuls” (vad. Vineta Āboliņa), Daugovpiļs Latvīšu kulturys centra folklorys dzīšmu i deju kūpa “Svātra” (vad. Sarmeite Teivāne), folklorys draugu kūpa “Vīteri” (vad. Sandra Stare, Einārs Lipskis, Leila Rasima).
