Latgolys regiona atteisteibys agentura (LRAA) izsludynoj Vaļsts kulturkapitala fonda mierkprogramys “Latvijas valsts mežu atbalstītā Latgales kultūras programma 2016“ projektu konkursu tūs realiziešonai  laikā nu 2016. goda maja da 2016. goda decembram (īskaitūt).

Konkursa mierkis ir veicynuot kulturys daīmameibu sabīdreibai, organizejūt projektu konkursus kulturys projektu atbolstam regionūs i dūt finaņsialu atbolstu nūzeimeigim kulturys projektim, kas veicynoj Latgolys kulturvidis, vierteibu i tradiceju atteisteibu.

Projektu dasacejumu īsnīgšonys termeņš ir 2016. goda  22. marts (da 16.00).

Projektu dasacejumi juoīsnādz LRAA birojā personeigi (Saulis īlā 15, Daugovpilī, 3. stuovā) voi juonūsyuta pa postu (ar nūsacejumu, ka posta zeimūgs ir 2016. goda 18. marts) iz adresi “Latgolys regiona atteisteibys agentura, Saulis īla 15, Daugovpiļs LV-5401”. Projekta dasacejumi ir juoīsnādz ari elektroniski ar vysim dalykumim, nūsyutūt iz e-posta adresi kultura@latgale.lv.

Projektu konkursa dasacejuma veidlopa

Projektu konkursa nūlykums

Skaidruojumus par konkursu i nūlykumu var sajimt nu programys vadeituojis Daugovpilī, Saulis īlā 15, dorbadīnuos nu 10.00 da 16.00, īprīšk dasasokūt, zvonūt 65420257.

Informativī  seminari par projektu konkursu nūtiks:

9. martā 10.00 Daugovpiļs nūvoda dūmē, Reigys īlā 2, Daugovpilī

9. martā 13.00 Rēzeknis piļsātys dūmē, Atbreivuošonys alejā 93, Rēzeknē