Pozitivūs stuostu cykla “Cytaidi latviskais” catūrtais raidejums skateituojus īpazeistynoj ar jaunu, rodūšu i aizrauteigu muziki, vokalū pedagogi Guntru Kuzminu, kurū daudzi atguodoj kai reiz popularuos latgalīšu popgrupys “Borowa MC” solisti.

Itūšaļt Guntra ir muzykys školuotuoja Bieržgaļa pamatškolā, voda kori i vokalū studeju “Skonai”, poša komponej i pīsadola vysaidūs muzykys projektūs, dzīd, ir populara jaunīšu vydā, lepojās ar sovom latgaliskuom saknem i lelū i draudzeigū saimi. Latgalīšu dzejnīks Valentins Lukaševičs byus kluotyn, kod saime sasapuļcēs pi vakareņu golda, kod kūpā vuoreis Mycānu azarā nūgiutys zivs zupu, kūpā muzicēs i brauks ar laivu. Varēs puorsalīcynuot, ka Guntrys muzikalitatis pamatā ir saimē īdybynuotuos tradicejis i školuotuoja Muorteņa Belinska prasme atteisteit talantu.