Klausīs raidejumus “Pi myusim Latgolā” (papyldynuots)
Pīduovojam nūsaklauseit producentu grupys SIA “Lietišķā Latgale” taiseitū raidejumu “Pi myusim Latgolā!”.
Catūrtdiņ raidejums īpazeistynoj ar Leigu Ūzulnīci – jaunū i rodūšū školuotuoju nu Kaunatys, kurai itys byus jau trešais 1. septembris školuotuojis omotā, kai ari doluos atziņuos, kas sajimtys jaunīšu seminarā – apvuiceibuos “Atzolys”, kuruos teik reikuotys jau nu 2004. goda.
Pīktdiņ raidejums gastej Bolvu nūvoda Kryšānūs i tī asūšajā vītejā školā, kab izzynuotu vaira par školu pastuoviešonu lauku regionūs.
Raidejumu “Pi myusim Latgolā” klausīs:
Diveju krostu radejā – catūrtdiņ 16.30, pīktdiņ 18.30 (atkuortuojums)
Latgolys radejā – pīktdiņ 11.05, pīktdiņ 16.30 (atkuortuojums), svātdiņ 11.00, pyrmūdiņ 14.30 (atkuortuojums)
Radejā “Ef-Ei” – pīktdiņ 15.30, sastdiņ 14.30 (atkuortuojums)
Radejā Marija Latveja – pīktdiņ 12.10, sastdiņ 9.00
Vysus raidejumus sevkurā laikā var nūsaklauseit ari LaKuGā.
