Viesturis šaļteņu pītura itūmienes aicynoj izzynuot 7×7 faktus par Rēzekni
11. oktobrī 14.00 Latgolys Kulturviesturis muzejā, Rēzeknē, nūtiks tradicionaluo Viesturis šaļteņu pītura, kura itūreiz veļteita temai “7×7 fakti par Rēzekni”, informej muzeja kulturviesturis nūdalis vadeituoja Anna Līpenīte.
Nūteikti var saceit, ka Rēzeknis skaitlis ir 7. Septeni godu symti, septeni pakolni, septeni burti piļsātys nūsaukumā… Viesturis šaļteņu pītura pīduovoj veiduot mozaiku nu dažaidu 7×7 faktu par Rēzekni. Kai kruosaini stikleni tamā atsakluos fakti, kuri suocās ar vuordim “pyrmais” i “pyrmūreiz”, kaida mozuok dzierdāta legenda, kaida īdvasmojūša personeiba, kaida “liktineiga āka”, kaida dobys paruodeiba, kura pasaulī vyslobuok radzama taišni nu myusu paralelis…
Īīšona: pīaugušajim 1,50 eiro, školānim 0,80 eiro.
