Grupa “Baltie lāči” izdavuse jaunu albumu “Ar draugiem”.

Kai nūruoda grupys dalinīki: “Zīmys soltumā, pavasara zīdūnī, rudiņa lopkritī voi vosorys tveicē skaistys šaļts ar draugim ir myužeibys vārtys. Tod dzymst dzīsmis par prīcu sev i cytim, i kotra dzīsme ir kai laipa nu šaļts iz šaļti vysai dzeivei.”

Albumā īkļautys taidys dzīsmis kai “Zemes vējš”, “Es būšu klāt”, “Pacel glāzi priekā”, “Soliņš”, “Jezups”, “Mazā Ilga”, “Brūnacīte”, “Kara kalps”, “Pi sābrim munim”, “Meitene Daina”, “Maz’drusciņ” i “Visa dzīve”.

Albuma īrokstā pīsadalejuši Aldis Kise, Oļegs Kurakins, Grigorijs Gorodko, Armands Ozoliņs, Gints Ločmelis, Andris Eriņš i Andris Baltacis.

Atguodynuosim, ka 30. novembrī Latgolys viestnīceibā GORS nūtiks grupys “Baltie lāči” 10 godu jubileja koncerts, kura programa radeita, īlīkūt desmit godu laikā sakruotū pīredzi, dzīsmis i klauseituoju mīlesteibu. Koncertā skanēs tautysdzīsmis, autordzīsmis i ari klasiskuos muzykys skaņdorbi, tai aplīcynojūt muziku profesionalitati i daudzpuseibu.