Daugovpiļs tautys fotostudeja “Ezerzeme-F” kūpā ar Latgolys fotografu bīdreibu, svietejūt Latvejis symtgadi, planavoj izdūt gruomotu, kurymā tyktu paruodeits vysu Latgolys nūvodu ainovu dobys skaistums dažaidūs godalaikūs. Partū teik izsludynuots fotokonkurss, kurymā aicynuoti pīsadaleit i profesionali, i amateri.

Konkursa karteņuos juobyut radzamai Latgolys ainovai i tamā nūteikūšajim dobys procesim. Tuos var byut uzjimtys i ar digitalū, i analogū fotografejis tehniku.

Nu kotra fotografa da 2017. goda 30. juņa tiks pījimti ni vaira par 10 dorbim. Dorbi juoīsnādz Daugovpiļs tautys footstudejai “Ezerzeme-F” iz e-postu latgalesainava@inbox.lv

Konkursa uzvarātuoji sajims ari naudys premejis.

Vaira informacejis – konkursa nūlykumā