Latgalīšu muziki apsavīnuojuši ar Latvejā zynomim muokslinīkim albumā “Celīs, bruoļ!”. Tymā īkļautys labi zynomys 12 latgalīšu dzīsmis jaunuos skaņuos. Albums radeits kai duovona Latgolys kongresa i Latvejis vaļsts symtgadē. Dzīsmis izpylda Aigars Runčis, Laura Bicāne, Normunds Zušs, “Rūžupis veiri”, albumā latgaliski dzīd ari Renārs Kaupers nu grupys “Prāta vētra”, Kārlis Kazāks i daudzi cyti muziki.

Disks izguojs ar muziku Gunta Rasima i Arņa Slobožanina guodeibu, jūs satikt devēs Tenis Bikovskis nu raidejuma “Pi myusim Latgolā”. Stuostā sovys dūmys par jaunū disku izsoka muzikis Renārs Kaupers, jis izpylda dzīsmi “Celīs, bruoļ!”. Sižetā skanēs itei i cytys jaunajā albumā īkļautuos dzīsmis.

Raidejumā teik īsavārts ari, kaidi pasuokumi gaidomi, atzeimojūt Latgolys kongresa symtgadi. Svātku centraluo nūtikšona byus 4. pasauļa latgalīšu saīts “Latgolys symtgadis kongress” 5. i 6. majā Rēzeknē. Par gūdu kongresa symtgadei atkluotys ari vairuokys izstuodis.

Vuordineicā Valentins Lukaševičs i Arņs Slobožanins skaidroj, kai sasavasaloj latgalīši.