“Pi myusim Latgolā” – par jaunīšu aktivitati politiskajūs procesūs
Tyvojās pošvaļdeibu vieliešonys. Jau īprīkšejūs godūs raidejums “Pi mysuim Latgolā” raudzeja dazynuot jaunīšu aktivitati politiskajūs procesūs. Ari itūreiz teik skaidruots, parkū daļa jaunīšu aktivi īsasaista politiskajūs procesūs – rauga uzlobuot dzeivi sovā pošvaļdeibā i dasadola pošvaļdeibu vieleišonuos, i parkū daļa jaunīšu nimoz nasaiņteresej par vieliešonom.
Kab izzynuotu Latgolys jaunīšu motivaceju īsasaisteit politiskajūs procesūs pošvaļdeibā, žurnaliste Dace Dambe gasteja Kuorsovys nūvodā, kur sasatyka ar Kuorsovys nūvoda dūmis deputatu Juri Vuorkali, kurs jau ūtru reizi beja iniciators jaunīšu saroksta izveidei vieliešonom.
Taipoš sovūs redzīņūs par politiskajim procesim pošvaļdeibā dalejuos ari Marita Joniņa, Juoņs Krivtežs, Raitis Verbickis, kurs kandidēs Rēzeknis piļsātā, Rēzeknis nūvoda jaunatnis lītu specialists Juoņs Šaudiņš i Guntis Rasims.
