“Pi myusim Latgolā” viestej par Latgolys Symtgadis kongresu
Itūreiz raidejuma “Pi myusim Latgolā” veiduotuoji aicynoj atsavērt iz Latgolys kongresa symtgadi i spylgtuokajom runom, kai ari uzrunoj augstuokuos amatpersonys, kab dazynuotu jūs redzīni par Latgolys kongresa symtgadis pasuokumim.
Paguojušuos nedelis beiguos Rēzeknē beja viesturiska nūtikšona – Latgolys Symtgadis kongress. Piļsātu Latgolys sirdī apmeklēja valsts augstuokuos amatpersonys kai ari tyvi i tuoli latgalīši. Saīta laikā tyka aktualizātys problemys, kab raudzeitu mozynuot plaisu storp Latgolu i puorejim Latvejis nūvodim.
Uzrunojūt kluotynasūšūs, ekumeniskajā dīvkolpuojumā veiskups Juoņs Bulis akcentēja, ka latgalīšu volūda nateik lītuota i vuiceita školuos. Latvejis Republikys Valsts prezidents Raimonds Vējuonis sovā runā nūruodeja, ka Latgola ir pyrmuo zvaigzne Latvejis gierbūnī.
Režisors Vīsturs Kairišs sovā runā beja tīšs, oss i kritisks. Jis izsaceja redzīni, ka latgalīši teik ekspluatāti ar sovom dzīsmem i dejom, sovpus cytys latgalīšu volūdys izpausmis, par pīvadumu, īlu nūruodis latgalīšu rokstu volūdā teik vārtātys kai puorkuopums.
Īskotu Latgolys Symtgadis kongresa nūtikšonuos sagataveja Tenis Bikovskis. Vaira klausīs raidejumā “Pi myusim Latgolā”.
Karteņa: Raimonds Kaļva
