Latgolys muokslys i amatnīceibys centrā 2. septembrī 14.00 tiks atkluota fotoizstuode “Rūgts Latgalē”, informej centra puorstuove Sanita Pinupe.

Fotografeju autori Ingmārs Zaļmežs i Vivita Kokina stuosta: “Vīna nu skaistuokajom dzeivis nūtikšonom, kuru izsapynuot i piec tam izdzeivuot, ir kuozys, partū mes asam prīceigi, kod myus paprosa pīsadaleit itymūs eipašajūs svātkūs kai fotografus i filmātuojus. Kuozys Latgolā ir atseviškys stuosts ar sovom tradicejom, vierteibom i vysod kluotyn asūšū jautreibu… Stuosts, kurs mums ir tik suocīs, i mes pīduovojam ari jums īsavērt Latgolys kuozu šaļteņuos myusu pyrmajā kuozu foto izstuodē “Rūgts Latgalē”.”

Izstuode byus apsaverama nu 2. septembra da 5. oktobra Leivuonā, Latgolys muokslys i amatnīceibys centra izstuožu zalā.