Na vīns viņ muzykys cīneituojs dzierdiejs DJ MART INC producātūs muzykys gobolus i remiksus labi zynomom latvīšu i latgalīšu dzīsmem. Tok ratais zyna, ka jis ir ari guņsdziesiejs Mārteņš Pīzelis nu Preiļu. Pi juo itūreiz ari gastej raidejuma “Pi myusim Latgolā” veiduotuoji.

Mārteņa Pīzeļa rodūšuo darbeiba suocēs ar tū, ka, spielejūt diskotekys, jis saprota, ka tryukst latvīšu gobolu. Suocūt vuiceitīs Daugovpiļs Universitatē, Mārtiņš izstudēja muzykys apstruodis programys i suoce taiseit remiksus dzīsmem.

Dzīsmis jaunuos skaņuos jis syuta i autorim, i radejom, i producentim – Guntaram Račam i Robertam Lejasmeijeram. Tok pyrmais lelais kritiks ir Mārteņa sīva.