Izsludynuots fotokonkurss “Latgales simtgades ainavu ceļi jauniešu acīm”
Bīdreiba “Dienvidlatgales NVO atbalsta centrs” sadarbeibā ar Latgolys planavuošonys regionu da 18. janvara izsludynuojuse fotokonkursu “Latgales simtgades ainavu ceļi jauniešu acīm”, viestej informaceja Latgolys planavuošonys regiona sātyslopā.
Konkursa mierkis ir mudynuot Latgolys jaunīšus vacumā nu 13 da 25 godu apzynuot i izpieteit Latgolys planavuošonys regiona teritorejā asūšuos nacionaluo, regionaluo i vītejuo leimiņa nūzeimis dobys boguoteibys, izceļūt nūzeimeiguokūs i ainaviskuokūs objektus (ainovys, parki, dobys pīminekli, kulturviesturiski objekti i cyti), tai veicynojūt lokalpatriotismu i popularizejūt Latgolys regionu kūpumā.
Vaira informacejis par konkursa dalinīku dasasaceišonys kuorteibu, karteņu i tūs aprokstu publiciešonu, viertiešonys kriterejim, bolvom i cytom ar konkursu saisteitom detaļom īspiejams atrast fotokonkursa nūlykumā.
Fotokonkurss teik eistynuots Latvejis vidis aizsardzeibys fonda apstyprynuotuo projekta “Latgales simtgades ainavu ceļi jauniešu acīm” ītvorūs.
