Kuorsovā nu jau par tradiceju klivušuos i tautā īcīneituos pruota spielis “Aļberts” itūgod turpynuos izklaidēt i izgleituot sovus fanus. Suokusēs dalinīku dasasaceišona, i pyrmuo spēle nūtiks svātdīņ, 25. martā, Kuorsovys muzykys i muokslys školā.

Pasuokuma organizatori, bīdreiba “SK “Kuorsova””, nūruoda, ka itymā sezonā gaidomys vairuokys izmainis, par kurom informēs eisi pyrma pasuokuma i spieļu laikā.

Daleibai erudicejis spēlē juoizveidoj komanda treis cylvāku sastuovā i juodasoka, syutūt SMS pīteikumu iz telefona numeri 26142049. Pīsasokūt leidz 24. martam daleibys moksa ir 5 euro, piec 24. marta – 8 euro.

Pruota spielis “Aļberts” nūtiks ari 16. septembrī i 16. decembrī.