Apvīneiba “Latgalīšu reps” nu Ludzys fanu viertiejumam nūdavuse jaunu skaņdorbu i videoklipu “Ostoitīs veikals”.

“Ostoitīs veikals – vīta ar plošu dvieseli, kur dzymst jautri dzeivis stuosti i teik apsprīstys skandalozuokuos piļsātys baumys. Veikalā, kas nūdrūsynuoja vysu rajonu ar puortyku, bez šaubom, nūtyka seikys zuodzeibys,” par jaunū video stuosta vīns nu apvīneibys dalinīku Ivo Grigalis. Dzīsmis “Ostoitīs veikals” viddeoklipā teik atainuota na vysai veiksmeiga garnadžu laupeišonys epizode, kurymā golvonūs garnadžu lūmu īsajutušs apvīneibys reperi Ivo i Didzis.

Itys ir jau caturtais apvīneibys videoklips, itūšaļt “Latgalīšu reps” aktivi struodoj pi sova pyrmuo albuma izdūšonys, dzīsmis tymā byus latgaliski.