Turpynojūt dorbu pi sova pyrmuo soloalbuma, latgalīšu poproka grupys “Dabasu Durovys” liders Arņs Slobožanins sadarbeibā ar gitaristu Elgaru Ludboržu (grupa “Kapļi”) i bundzineicu Amandu Lapu (grupa “Piparmētra”) radejs i īrakstejs dzīsmi “Viens pret Vienu”.

Par jaunuokū veikumu Arņs soka: “Veidojūt apdari dzīsmei, kas suokūtnieji beja cīši vīnkuorša, maksimali uzaticieju Elgaram. Taišni jis radeja tū skaniejumu, kū niu dzieržot. Ir cīši interesanti klauseitīs, kai dzīsme īgiust pavysam cytu nūskaņu, kod tuos radeišonā īsasaista vairuoki muziki. “Viens pret Viens” – tys ir myužsenais stuosts par švakū i lobū, boltū i malnū, dzeiveibu i nuovi. Sevkurā nu myusu ir itī diveji pretmeti – tei ir nabeidzama ceiņa.”

Dzīsme īraksteita skaņu īrokstu studejā “Bozova”. Īrokstā pīsadaleha Elgars Ludoržs (gitara), Amanda Lapa (bungys, tausteni), Arņs Slobožanins (bass, gitara, bolss). Miksēja Armands Treilihs.