Roksta autors: Latgolys entuziastu grupa “Biļdis”

Latgalīšu kulturys i goreiguo darbinīka, vaļstsveira Fraņča Trasuna pīmiņa teik saglobuota godu gaitā, 20. g.s. 90. godūs atguodojūt juo davumu Reigā, myusu dīnuos – runojūt par 1917. gods Latgolys kongresu gon Latgolā, gon vysā Latvejā. Lela nūzeime ir Fraņča Trasuna muzeja “Kolnasāta” darbeibai i reikuotajom aktivitatem, organizejūt dzymtys sasatikšonys. Par dzymtys tikšonuos tradicejom jaunuokajā raidejumā “Laika leigučuos”.

Kai Latgolai nūzeimeigu personeibu raidejums īpazeist 20. g.s. 90. godu žurnalisti Valdu Madalāni, kura atguodoj dorbu gazetā “Mōras Zeme”, radiejā“Brīvā Eiropa”, kas jaunam cylvākam beja lela uzadrūšynuošona, izaicynuojums i atbiļdeiba.

Latgolys kulturtelpys aktivitašu sadaļā turpynuosim īsavērt 6. novembrī nūtykušajā pyrmajā 13. Saeimys sēdē, atspīgelejūt nu Latgolys īvālātūs deputatu Mārtiņa Bondara (Attīstībai/Par!) i Janinys Kursītes (KPV LV) redzīni par īcerem, kū jī gryb padareit Latgolys regiona atteisteibā.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.