Symtgadis “Pāri slieksnim” daboj goda bolvu

Symtgadis “Pāri slieksnim” daboj goda bolvu

Roksta autors: informaceju apkūpuoja Ināra Volkova

Vīns nu zeimeiguokūs dorba viertiejumu muzeju pietnīceibys jūmā paguojušajā godā tyka pīškierts Latgolys Kulturviesturis muzejam par tematiskū izstuodi “Pāri slieksnim”. Tam par gūdu teik padūta Latvejis Muzeju bīdreibys Goda bolva 2018. Itei ir vīneiguo bolva Latvejis muzeju nūzarē i teik padūta jau deveitū godu ar mierki sekmēt ilgtspiejeigu i kvalitativu muzeju nūzaris atteisteibu Latvejā. Bolva izceļ muzeja radeitū produktu kvalitati, daīmameibu i nūzeimi sabīdreibai. Latgolys Kulturviesturis muzejs sajēme apbolvuojumu nominacejā “Gada tematiskā izstāde 2018” .

Itei izstuode roduos diveju godu garumā, ryupeigi pietejūt viesturiskūs materialus, savīnojūt jūs i ar laikmata elpu, i myusdīneigu i atraktivu pasavierīni iz tik byutiskom viesturis nūtikšonom.

Izstuode stuosta par Latgolys Pyrmū kongresu, kurymā tyka pījimts lāmums par Latgolys atsadaleišonu nu Vitebskys gubernis i apsavīnuošonu ar puorejim Latvejis nūvodim, itys lāmums beja izškirūšais tuoļuokajom nūtikšonom, kod 1918. gods 18. novembrī tyka proklamāta Latvejis Republika. Izstuode ir ari breineigs pīmārs Latgolys muzeju i Latvejis kulturys i goreidznīceibys instituceju sadarbeibai kūpeja rezultata veiduošonā.

Izstuode Rēzeknē beja apsaverama pusūtra goda i jū apmeklēja gondreiž 15 000 apmaklātuoju. Izstuodis materiali ir apceļuojuši vysu Latgolu – školys, kulturys nomus i bibliotekys. Jau itūgod jū ir paradzāts izstuodeit ari Reigā.

Roksts sagataveits ar Vidis regionaluos atteisteibys agenturys finansialu atbolstu nu Latvejis budžeta leidzekļu projekta “Sabiedrības un reģionu robežlīnijas žurnālā A12”.

Print Friendly, PDF & Email

Kalenders

May
3
Pīk
17:00 Koncertizvadums “Dūd rūku, mameņ!” @ Daugovpiļs Kulturys piļs
Koncertizvadums “Dūd rūku, mameņ!” @ Daugovpiļs Kulturys piļs
May 3 @ 17:00 – 19:00
Izvadumā pīsadaleis Reigys kulturys i tautys muokslys centra „Mazā ģilde” deju ansamblis „Daiļrade” (vad. Iveta Pētersone-Lazdāne), Daugovpiļs Vīneibys noma Latvīšu i latgalīšu kulturys centra deju ansamblis „Laismeņa” i videjuos paaudzis deju kolektivs „Laismeņa” (vad. Diāna[...]
May
4
Sai
all-day Olgys i Valda Pauliņu keramikys ... @ Latgolys Kulturviesturis muzejs
Olgys i Valda Pauliņu keramikys ... @ Latgolys Kulturviesturis muzejs
May 4 all-day
Latgolys keramiki Olga i Valdis Paulini dzeivoj i struodoj Kruoslovā, dorbojās Kruoslovys amatnīceibys centrā, ir populari meistari vysā Latvejā. Jūs keramikys darbneica ir attaiseita interesentim i turistim, pīduovojūt i vysaidu formu trauku kluostu, i paraugdemonstriejumus,[...]