12. majā Enguris nūvoda Smārdis pogostā nūtyka pyrmuo Latvejis sīvīšu vokalūs ansambļu konkursa finals, kurymā pyrmū vītu īgive vokalais ansamblis „Knifs” nu Bieržgaļs.

Vokalūs ansambļu konkursa finalā sasatyka skaneiguokī sīvīšu vokalī ansambli nu vysys Latvejis. Konkursu organizej „Latvejis Vokalūs ansambļu asociaceja”, kuruos mierkis ir atbaļsteit Latvejis vokalūs ansambļu darbeibu, eistynojūt strategisku pasuocīņu kūpumu vokalūs ansambļu nūzaris tuoļuokai atteisteiba. Konkursā kūpā pīsadaleja vaira kai 100 sīvīšu vokalūs ansambļu. Kai atzyna konkursa žureja: tei ir lela bauda klauseitīs tik augstys raudzis vokalūs ansambļus, kas vysod puorsteidz ar originalom idejom i jaunradis dzīsmem. Vysu augstuokū punktu skaitu i pyrmū vītu konkursā žureja daškeira Bieržgaļs vokalajam ansamblim „Knifs” (muokslenīcyskuo vadeituoja Guntra Kuzmina), kurīs plyuca laurus na viņ sovā grupā, nu ari vysā konkursā. Meitinis konkursā dzīduoja Guntrys Kuzminys originalkompozicejis latgalīšu volūdā, partū ka ir sovys volūdys patriotis i ar lapnumu nas sova nūvoda vuordu Latvejā. Ansamblis ir apjiemeibys pylns vosorā aktivi muzicēt i prīceit klauseituojus, jo klauseituoji meitinem ir vysu duorguokuo duovona!

Karteņuos – vokalais ansamblis „Knifs”, foto nu grupys arhiva