Kategorejā “Sabīdreiba i kultura” bolvai ir itaidys nominacejis: “Lobuokais pasuocīņs/projekts”, “Latgalīšu kulturys sponsors/mecenats”, “Latgalīšu kulturys masu medejs”, “Goda pašvaļdeiba”, “Latgalīšu sabīdryskuo organizaceja”, “Lobuokais latgaliskais pasuocīņs školā”, “Goda školuotuojs”, “Lobuokais pasuocīņs kulturys/tautys nomā”, “Goda kulturys darbinīks”, “Goda amatnīks”, “Lobuokuo publicitatis akceja latgalīšu kulturā”, “Latgolys vuorda populariziešona kulturā”, “Par īguļdiejumu latgalīšu kulturys atteisteibā” i “Goda cylvāks”.

Kategorejā “Muzyka” iz bolvu var pretendēt nominacejuos: “Lobuokuo dzīsme”, “Lobuokais muzykys albums”, “Lobuokais muzykys video”, “Goda debeja muzykā” i “Radejis hits”. Sovukuort kategorejā “Literatura” bolvai itaidys nominacejis “Lobuokuo proza”, “Lobuokuo dzeja”, “Lobuokais izdavums/gruomota”, “Spylgtuokuo publikaceja presē” i “Spylgtuokuo debeja literaturā”.

Iz pasuokumu tiks aicynuoti bolvys „Boņuks” pretendenti i dasaceitūs dorbu autori. Latgalīšu kulturys goda bolvys “Boņuks 2010” nūslāguma pasuocīņs paradzāts 27. februarī, Rēzeknē pl.17:00.

Kontaktpersona: Guntis Rasims, 29492864 , producenti@inbox.lv

Latgalīšu sabīdriskuos organizacejis („Kukuži”, „Latgolys Zvaigzne”, „Latgolys Studentu centrs”, „Latgolys Etnokulturys centrs”, „Latgolys Producentu Grupa” i LatBLUL) i Latgolys reģiona pašvaļdeibys jau trešū godu piec kuortys reikoj Latgalīšu kulturys goda bolvu „Boņuks”.

Latgalīšu kulturys Goda bolvys „Boņuks” ideja un mierki: veicynuot latgalīšu tradicionaluos i popularuos kulturys atteisteibu regionā i aiz juo rūbežu, apkūpuot lobuokūs paguojušuo goda veikumus, rūsynuot kvalitatis i originalitatis pīaugumu myusdīnu latgalīšu kulturā.