Rokstu sagataveja: portals lakuga.lv

Grupu “Patrioti.lg” i “Dvinskas muzikanti” solists Juris Ostrovskis klauseituojim pīduovoj videoklipu dzīsmei “Vacuoku sāta”, kurā muzikis dzīd par bierneibu laukūs i gremdejās atmiņuos.

Kai stuosta pats muzikis, dzīsme tyka speciali raksteita jubilejis pasuokumam, kas nūtyka pārnejuo goda oktobrī Rēzeknē. Dzīsmē īkļautys puordūmys i puordzeivuojumi iz 40 godu slīkšņa, kai ari vysajaukuokuos atminis nu laukūs pavadeituos bierneibys.

Dzīsmis “Vacuoku sāta” scenareja, muzykys i teksta autors ir Juris Ostrovskis, video operators ir Aleksandrs Hļestovs, pi aranžejuma struoduojuši Kaspars Maks i Juris Ostrovskis.

“Vacuoku sāta” īkļauta muziķa koncertprogramā par gūdu Jura Ostrovska jubilejai.