Konkursa dalinīki:
Konkursā teik aicynuoti pīsadaleit školu jaunīši (pamatškolāni i vydsškolāni) ar sovu prozu voi dzeju latgalīšu rokstu volūdā, sovā dorbā raugūt izmontuot latgalīšu autentiskūs vuordus i  izteicīņus, ka ari pīsaturēt pi apstyprynuotajim latgalīšu pareizraksteibys nūsacejumim. (Tekstam kluot var dalikt ari kaidu dorba tematam atbylstūšu, poša fotograpeitu karteņu – deļ nūskanis radeišonys.)

Temats:
Rodūšais dorbs var byut par vysaidom temom, par kurom varātu saceit „tai beja – tai ir” – par senejim, niulinejim laikim; par sevi, sovu dzymtu, draugim, par dobu, par vosoru i.c.

Dorba formats i lelums:
Tekstam juobyut nūformātam datorrokstā da 4000 rokstu zeimu voi divom A4 lopom, fonts: Times New Roman, burtu  izmārs – 12 pt,  atstarpis storp eilem -1,5 pt.
Vīns autors var īsyuteit  divus dorbus.

Īsyuteišonys laiks i kuorteiba:
Rodušūs dorbus nu 1.juļa da 25.juļam syuteit kai viestulis dalykumu (Word dokuments) pa e-postu: lgsc-konkursam@inbox.lv. (Kartenis, davīnuot ari kai dalykumus jpg/png formatā.)
Lyudzam nūruodeit: vuordu, pavuordi, vacumu, vuiceibu īstuodi, e-postu i kontakteleponu.

Dorbu:
Dobus viertēs LgSC projekta „Vuiceisimēs latgalīšu rokstu volūdu” dorba grupa i pīaicynuotī specialisti. Dorbūs tiks vārtāta literaruo, muokslinīcyskuo kvalitate i latgalīšu rokstu volūdys pareizraksteiba. Pamatškolānu i vydsškolāni dorbi tyks vārtāti atseviški.

Konkursa rezultati:
Konkursa rezultati tiks publicāti sātyslopā http://lgsc.lv 1.augustā. 10 lobuokī dorbi nu 1. augusta da 5. augustam tiks publiceiti sātyslopā „lakuga.lv”.

Dorbūs paustais redzīņs var nasakrist ar konkursa reikuotuoju redzīni. Autortīseibys pīdar rodūšūs dorbu autorim, a konkursa reikuotuojim pīdar tīseibys publicēt konkursa dorbus pylnā voi saeisynuotā versejā.