2012. goda 20. julī plkst. 14.00 Rēzeknis Centraluos bibliotekys skaiteitovā nūtiks literaturys almanaha „Olūts” 17. laidīņa i 2013. goda „Tāvu zemes kalendara” attaiseišonys svātki.

Literaturys almanahs „Olūts” i kulturviesturiskuo i literaruo godagruomota „Tāvu zemes kalendars” itūšaļt ir vīneigī regularī izdavumi latgalīšu rokstu volūdā, tymūs teik īspīsti īprīšk napublicāti Latvejis i uorzemu tautīšu dorbi.

Pasuokumu reikoj Latgolys Kulturys centra izdevnīceiba, svātkūs pīsadaleis izdeviejs i autori, byus īspieja nūpierkt Latgolys Kulturys centra izdevnīceibā izdūtuos gruomotys. Laipni gaideits sevkurs interesents!