Grupa “Boltī luoči” klauseituoju viereibai pīvuovoj jaunu dzīsmi – sovu verseju par latgalīšu tautys dzīsmi “Malni muni kumeleni”.

Itei nav pyrmuo reize, kod grupa sataiseijuse sovu verseju kaidai latgalīšu folklorys dzīsmei – ituo goda martā grupai izguoja jaunuokais CD albums “Ko Tev uzdziedāt…” ar 10 dzīsmem, kurūs vydā beja ari pazeistamuo latgalīšu tautysdzīsme “Aizguoja sauleite”, taipat ari īprīškejuo dzīsme latgaliski grupai beja verseja latgalīšu rūtaļdzīsmei “Peļdieja laiveņa”.