Projekts „Kapļi” ir literari – muokslinīcyskys projekts. Reizi sasatyka jauns literats i jauns muzikis i, pīsadolūt Almai, kas ir vibraceju meistars, tyka sataiseiti „Kapļi”. Piečuok par itū vysu dazynuoja Kojōt i tys atskrēje kluot ar sovim „Pareizajim Akordim”. Juoatzeist, ka pādejā laikā dalinīki Kojōt i Alma dzeivoj “trymdā” – kotrs sovā nūstyurī, deļtuo niule aktivuok dorbojās obi puorejī dalinīki. Projekts „Kapļi” dorbojās nu 2007. goda i ir latgalīšu underground muzykys puorstuovi. Jī napretendej ni iz kū, nu sovi mierki ir. Kai soka poši projekta dalinīki – vibrejam, kapļojam i kapļuosim tuoļuok!

Pādejā laikā projekts īrakstejs vairuokus jaunus gobolus, nu LaKuGys klauseituoju viereibai teik pīduovuots „… bet tu jau zini”, kas ir baļsteits iz dīzgon realim nūtykumim kotra cylvāka dzeivē. Viņ „Kapļi” pībylst, ka gobols juosaklausa ar lobu aparaturu, kab dzierdietu pavadejumu.

Cytus gobolus, tymā skaitā jaunuokūs “Draugs Reigā” i “Šarlatani”, klauseitīs i vaira par projektu dazynuot var ite: http://www.draugiem.lv/music/10026085/

Karteņā – Alma, foto no „Kapļu” arhiva