10. junī 11 stuņdēs Rēzeknis piļsātys dūmes konferenču zalā visi interesenti teik aicynuoti iz izdavuma „Latgalieša CV” prezentaceju. Eipaši teik aicynuoti ar turismu (vītejū i starptautiskū) saisteiti cilvāki. Gaideiti gosti ir ari nu izgleiteibys i kulturys sferom, lai giutu jaunu informaceju i radūšu redziejumu.

Izdavuma pamatadresats ir Latgolys gosti, lai dziļuok īsapazeitu ar Latgolys kulturu, viesturi, geografeju, literaturu, latgalīšu volūdu nu sanlaikim da aktualuokajom tendencem 21. godusymtā. Izdavums byus pīejams latvīšu, krīvu i angļu volūdā.

Izdavums sataiseits Rēzeknis Augstškolys i Eiropys Socialuo fonda projekta „Teritoriālās identitātes lingvokultoroloģiskie un sociālekonomiskie aspekti Latgales reģiona attīstībā” ītvorā.