Aleksandra Bondarenko fotoizstuode “BONDarenko foto 70”

When:
11/06/2023 all-day
2023-06-11T00:00:00+03:00
2023-06-12T00:00:00+03:00
Where:
Latgolys Kulturviesturis muzejs

Latgolys Kulturviesturis muzeja fotografs Aleksandrs Bondarenko ar itū izstuodi svietej sovu 70. dzeivis jubileju. Fotografa pīnuokumus pyldūt, ir paguojuse leluokuo A. Bondarenko dorba myuža daļa – vaira nakai 40 godu. Itymā laikā fiksātī īspaidi kruojušīs tyukstūšom fotonegativu lentēs, digitalajos failūs, malnboltajuos i kruosu fotografejuos. Jubilejis izstuodē Aleksandrs palīk uzticeigs sovam fotografiešonys stylam – īraudzeit sovpateigū sev apleik, dobā, piļsātys vidē, pasnēgt tū bez uzlobuojumu i puorveiduojumu. Nūfiksēt gaismu, kontrastus i ritmus, pieškiert fotografejai raksturu – tai autors tver sovu fotografa miseju.
Itūgod 13. majā akustiskuo koncertzāle Latgolys viestnīceiba “Gors” Rēzeknē svietej 10 sovys darbeibys godus, pīduovojūt apmaklātuojim pasuokumu programu ar nūsaukumu ”10 kā 1”. Kab tys byutu īspiejams, beja vajadzeigi treis ākys tapšonys godi. A. Bondarenko fotografeju sereja “3 pirms 10” atainoj pyrmuos regionaluos koncertzālis Latvejā ceļtnīceibu, kas ilga nu 2010. gods rudiņa leidz 2013. gods pavasaram.

Print Friendly, PDF & Email