Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs” īsazeimej cyts gleznuotuoja skatejums, baļsteits nanūteiktā, bezformys pasaulī, kur svareiga ir nūskaņa i emocejis. Pādejā laikā autors struodoj bez pīrostuos smolkuos detalizacejis, spielejūtīs ar kruosu uzkluošonys pajiemīnim, puorsvorā akrila tehnikā, variejūt ar nūsaceitu laukumu spēli.

Izstuodē puorstuovāti puorsvorā pādejā godā radeitī dorbi, kas raksturoj autora emocionalū stuovūkli i nūstuoju pret žanru breivu interpretaceju, ļaunūtīs najaušim sižetiskim atkluojumim.

Izstuodis atkluošona 16. aprelī 15.00 stuņdēs.