Gruomotys “Neviens tev neticēs” atkluošona
When:
08/12/2023 @ 19:00 – 20:30
2023-12-08T19:00:00+02:00
2023-12-08T20:30:00+02:00
Where:
Latvejis Muokslys akademeja
Storptautyskajā dīnā pret vardarbeibu, kas vārsta pret sīvītem, 8. decembrī, Latvejis Muokslys akademejis Jaunajā korpusā (īīšona nu pogolma) nūtiks gruomotys “Neviens tev neticēs” atkluošona.
Gruomota “Neviens tev neticēs” ir literaturys žurnala “Punctum” i dokumentaluos izstuodis i digitaluos platformys “Lietisko pierādījumu muzejs” sadarbeibys projekts. Tuo mierkis ir veicynuot publiskajā telpā atkluotu sarunu par vardarbeibu saimē, kab īdrūsynuotu cītušūs i veicynuotu izmainis sabīdreibys izpratnē i attīksmē pret itū slāptū problemu, kas Latvejā skar kotru trešū sīvīti i nūvad pie letala iznuokuma bīžuok nakai cytur Eiropā.
Kruojumā “Neviens tev neticēs” apkūpuoti Latvejis sīvīšu personiskī stuosti nu “Lietisko pierādījumu muzeja” kolekcejis i latvīšu i britu literatu jaunradeita dzeja par vardarbeibu saimē. Gruomotys veiduošonā ir īsaisteiti treisdesmit autori, tymā skaitā Latvejā zynomi dzejnīki, kai Lote Vilma Vītiņa, Madara Gruntmane, Ieva Viese-Vigula, Aivars Madris, Ligija Purinaša, Anna Belkovska, Roberts Vilsons i cyti. Kruojums “Neviens tev neticēs” byus pyrmuo vardarbeibys temai veļteituo gruomota latvīšu volūdā ar tik daudzu autoru daleibu.
