Koncerta pyrmajā daļā varēs dzierdēt latvīšu trymdys muziku grupys “Trīs no Pārdaugavas” dzīsmis, kas prīcynuoja voi satrauce trymdys latvīšus 20. godu symta 70. i 80. godūs, jaunuos skaņuos. Dzīšmu teksti, muzykalais materials i “Duceles” veiru dzīšmu pīteikumi ir eipaši aktuali i nūzeimeigi ituos šaļts geopolitiskūs nūtikšonu kontekstā Latvejā i aiz tuos rūbežu.

Koncerta ūtrajā daļā varēs dzierdēt “Duceles” dimanta i zalta dzīšmu apkūpuojumu – “Kad tie zēni prūšos gāja”, “Kungi mani karā sūta”, “Šitā zēni dzīvodami”, ”Meitiņas dziedāja”, ”Jezups” i cytys dzīsmis nu grupys pyrmūs div muzykys albumu “Tā viš i`” i “Tā viš i 2”.

Pop, folk, hipster, svinger roka ekologiskuos muzykys orkestrī “Ducele” muzicej Andris Alvikis, Arnis Veisbārdis, Artūrs Uškāns i Mārcis Kalniņš.