Koncertā varēs dzierdēt i satikt Tihovsku saimi nu Ludzys, muosys Legzdinis nu Jaunbierzis, Dūdumu saimi nu Reigys, Zaļkalniņus nu Lelvuordis, Manguļu saimi nu Ūgris, Aizgaļu saimi nu Ciesim, bruoļus Puncuļus nu Rēzeknis, Dimantu saimi i cytys dzīdūšuos saimis.

Koncertprogramys i pavodūšuos grupys vadeituoju lūmā īsajuss Atis i Juoņs Auzāni.

2025. gods 15. junī pazeistamais latgalīšu muziks i daudzu popularu dzīšmu autors Jurs Ostrovskis svieteis 45 godu jubileju, i taišni itymā datumā Latgolys viestnīceibā “Gors” nūtiks juo jubilejis koncerts i jaunuo albuma prezentaceja. Koncertā pīsadaleis muziki Artūrs Uškāns, Valērijs Mukāns, Ainārs Lipskis, Karīna Stivriņa, vokaluo grupa “Solversija”, “Pilskalne” i cyti draugi; koncerta eipašais gosts byus legendarais akters Jānis Paukštello, par pavadejumu guoduos grupa “ArMaestro”  Anatolija Livčys vadeibā.