Grupys “Tautumeitas” koncerts

Kod:
24/11/2022 @ 20:00 – 22:00
2022-11-24T20:00:00+02:00
2022-11-24T22:00:00+02:00
Kur:
Jelgovys Kulturys noms

Etno muzykys grupa “Tautumeitas” piec veiksmeiga lelkoncerta vosorys izskaņā Skultis ūstā izsludynoj jaunuokuo albuma “Skrejceļš” rudiņa koncertturi, kuruos laikā gasteis 8. oktobrī Daugovpilī, 22. oktobrī Olyuksnā, 23. oktobrī Valmīrā, 4. novembrī Talsūs, 5. novembrī Līpuojā, 20. novembrī Reigā, 24. novembrī Jelgovā, 25. novembrī Ādažūs i 26. novembrī Ciesīs. 

Atguodojūt vosorys lelkoncertu “Tautumeitu” dalineica Laura Līcīte stuosta: “”Skrejceļa” koncertprogramai ir daudz kūpeiga ar pīdzeivuojumim boguotu vosoru. Obejis raksturoj emoceju pīsuotynuojums, kusteiba, kaisle i kruosys. I, taipat kai vosoru navar nūgiut car kamerys aci, tai ari “Tautumeitas” i myusu muzyku var īmīļuot tik pa eistam asūt kluotyn. Par laimi mums i jums – “Tautumeitas” atvess atvosoru braucūt koncertturē pa meilū Latveju.”

Aktualais albums “Skrejceļš”, ar kura programu “Tautumeitas” brauks turē, izguoja ituo gods aprelī. Tys veiduots kūpā ar jau ilglaiceigū grupys muzykys producentu Reini Sējānu i zvīdru producentu Povelu Olsonu (struoduojs ar grupu “Prāta Vētra”). Albumā apkūpuotys 14 dzīsmis, īskaitūt taidys kai  “Muoseņa”, “Guli guli”, “Panama” i “Mežā”.

Print Friendly, PDF & Email