Izstuodis “Baba, kurū škārsteikla bārni vaira napīdzeivuos” nūslāgums
When:
19/03/2025 @ 17:00 – 18:30
2025-03-19T17:00:00+02:00
2025-03-19T18:30:00+02:00
Where:
"New East"
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys babys myusu dīnuos pīdzeivuos viņ rešais. Atsateistejūt tehnologejom i dzeivis leimiņam uzalobojūt, jaunuo Alfa paaudze aba škārsteikla bārni taidu babu naatguoduos.
Apvīnojūt klasiskū i laikmeteigū, izstuodē “Baba, kuru škārsteikla bārni vaira napīdzeivuos” tiks attāluota 75 godus vacuos Valentinys Priževoitis dzeive Latgolys laukūs. Izstuodē tiks izstuodeitys Amandys Anusānis kai īprīšk dokumentātuos, tai speciali izstuodei fotografātuos biļdis. Tūs apstruodē tiks izmontuoti muoksleiguo intelekta reiki, kab attāluotu babu paaudzi iz prīšku. Izstuodis ekspoziceju taiseis Liāna Merņaka, tamā byus fotografejis, vysaidi sadzeivis prīškmati i teksti latgaliski. Izstuodis mierkis nav romantizēt itū laiku voi dzeivisveidu, tok dabuot, kab apmaklātuojs piec vareibys izteiktuok izjiut itūs babu kasdīnu i apsazynoj, ka itei babu paaudze unukim dreiži viņ byus pavysam nazynomuo paaudze.
Pasuokumā byus vareiba satikt muokslineicys Amandu Anusāni i Liānu Merņaku, pīsadaleit autoru vadeitā ekskursejā i īsasaisteit diskusejā par izstuodis konceptu i tuos nūzeimi laikmeteigajā muokslā.
Komentari