Izstuodei izalaseitys sešys izcylys personeibys; kotra nu tūs puorstuov kaidu nu sešu Latvejis kulturviesturiskūs nūvodu, apzynuotai izcalta gruomatnīku darbeiba uorpus golvyspiļsātys. Gruomatnīku geografiskuos darbeibys vītys īzeimātys stilizātā Latvejis kartis konturā: Pīreiga, Puordaugova (Vilis Altbergs), Latgola (Andryvs Jūrdžs), Zemgale (Heinrihs (Indrikis) Alunāns), Kūrzeme (Klāvs Ukstiņš), Vydzeme (Jānis Uozuols), Sieleja (Frīdrihs Vilhelms Vāgners).

Izstuodis atkluošonys pasuokumā byus vareiba nūsaklauseit izstuodis autoru, Latvejis Nacionaluos bibliotekys specialistu i administracejis puorstuovu stuostejumus par izstuodi, kai ari volūdneicys, kulturviesturneicys, pedagogis Lidejis Leikumys izzynūšū prezentaceju “Latgalīšu gruomota cauri godu symtim”.