Marts Dreļs – Koncertprograma “Cikliskās pārdomas”. Marts muzykali īsatekmiejs nu tautys, džeza i akademiskuos muzykys. Koncertā izskanēs div Marta Dreļa originalkompozicejis: “Aiz stūra” i “Kādā veidā?”. Marta muzykalī celi nuokūtnē vess iz Kopenhagenu, kur jis turpynuos vuiceitīs muzykys muokslu.

Eduards Geikins-Tolstovs – Koncertprograma “Skaista dzīve Rēzeknē”.

Eduards sovā koncertprogramā izpiļdeis pīcus dažaidus skaņdorbus, nu kurūs vīns byus originaldorbs, sovā ziņā veļteits K. Valdemāra īlai. Koncertā dzierdamī skaņdorbi byus liriski, grūveigi, kai ari ar svinga pīskaņu. Nuokūtne Eduardu vesss iz Ālborgu, kur jis turpynuos īsadvasmuot i radeit.

Haralds Meiers – Koncertprograma “D’ai skaiti iekšā!” Klauseituojim byus vareiba dzierdēt K.Jarret, O.Noy, J.Bosco, kai ari poša Haralda originalkompozicejis “Ķilda” i “Rēzeknes bārda”. Ūtrei ir veļteita Haralda gitarspēlis školuotuojam Svenam Vilsonam pateiceibā par četrim godim, kurūs dalejīs sovuos zynuošonuos i prasmēs.

Laura Svikša – Koncertprogramā “Mīļ-liste” tiks izpiļdeitys pīcys nu Laurys īmīļuotuokūs dzīšmu. Programa sevī apvīnoj taidus žanrus kai džezs, pop, hip-hop, soul, etno, latino i gospeļs. Papyldu pīvīnuotuo koncertprogramys vierteiba ir pošys Laurys Svikšys originalkompoziceja “Tevi sauc” latgalīšu volūdā, kura jau paspiejuse izapeļneit konkursa žurejis nūviertiejumu. Kūpā ar Lauru iz “Gora” skotivis kuops latgalīšu repa zvaigzne Ūga.