Latgolys regiona muokslinīku kasgadejuo izstuode Rotko muzejā itūgod rysynoj temu “Pierobeža”, puļcejūt sešdesmit četrus vysaidu paaudžu i medeju autorus, kurūs dzeive i rodūšais ceļš tai voi cytaiži īsavyn Latgolys kulturtelpā. Izstuodis kurators Aivars Baranovskis nūruoda, ka izstuode atkluoj pīrūbežu kai vītu, kur raisuos kai praktiskys, tai muokslinīcyskys izalaseišonys i puorvierteibys –palikšona i aizīšona, tradiceja i laikmeteigums, vītejais i globalais.