Māra Čačkys izstuodis “Spoguļošana” atkluošona
When:
31/05/2023 @ 18:00 – 19:00
2023-05-31T18:00:00+03:00
2023-05-31T19:00:00+03:00
Where:
"Albrecht Art&Wine"
31. majā 18.00 stuņdēs galerejā “Albrecht Art&Wine” (Gimnazejis īlā 40, Daugovpilī) tiks atkluota muokslinīka Māra Čačkys personalizstuode “Spoguļošana”.
Māra Čačkys personalizstuode “Spoguļošana” ir pošstuosts par autora šaļts puordzeivuojumim voi pīdzeivuojumim i juo atskuorsmem par apleik nūteikūšū. Tei atkluoj autora nūstuoju i puordūmys par dzeivi, par veiksmem i naveiksmem, kas attāluotys kai personeigi īgivumi voi zaudiejumi. Tī ir muokslinīka pošportreti, i konkretuos izstuodis dorbi turpynoj muokslinīka 2020. godā Leitovā realizātū projektu “Atspīdumā”.
Māris Čačka (1976) ir latvīšu muokslinīks i muokslys pedagogs, Daugovpiļs Marka Rotko muokslys centra vadeituojs, Muokslu pedagogu apvīneibys (1998-2019) i galerejis SIVIA (2019) dybynuotuojs. Izstuodēs pīsadola nu 1997. gods, daleiba vaira nakai 90 izstuodēs. Sareikuotys 30 personalizstuodis, nu kurūs 19 Latvejā i 11 uorvaļstīs. Juo dorbi globojās muzejūs i privatkolekcejuos Austrejā, Boltkrīvejā, Pūlejā, Lelbritanejā, Leitovā, Monako, Norvegejā, Turcejā, Vuocejā i cytur.
Izstuode apsaverama leidz 29. juņam.
