Jau nu seneju laiku zyrgs ir bejs vīns nu uztycamuokūs cylvāka draugu i paleigu –  kai apstruodojūt zemi, tai ceļojūt voi īmūt karā. Na vīna viņ tautysdzīsme apdzīd cylvāka i zyrga draudzeibu i cīšū saikni. Koč i myusu dīnuos zyrgs ir pagaisynuojs sovu svareigū lūmu zemnīka sātā voi kai puorsavītuošonys leidzeklis piļsātā, tok Latvejā vēļ ir sasaglobuojuse dzeiva zyrgkūpeibys tradiceja, kam, prūtams, ir vajadzeigi atbylstūši aizjiuga elementi. Jau daudzus godus itamā jūmā struodoj cītuos uodys apstruodis meistari Irēna Baufale i Pīters Reiniks, sovā darbneicā taisūt vysu, kab ījiugtu zyrgu lūka aizjiugā. Izstuode aplīcynoj “Apkalnmāju” amatnīku meistareibu, cīnu i mīlesteibu pret zyrgim vysa myuža garumā.