Latgalīts Aloizs Laurs Trūps sovu eipašeibu i liktineigu sakriteibu deļ tyka Krīvejis imperejis pādejuo cara golmā, byudams par kambarsulaini i Romanovu saimis uztycameibys personu. Boļševiku nūsauts kūpā ar cara saimi. Piec nuovis pareizticeigūs bazneica pīzynuse par svātū mūcekli.

Aloiza Trūpa spylgtū dzeivis stuostu koncertizvadumā caur speciali tam komponātu hip-hop i alternativū poproku izstuosteis Ūga, “Dabasu Durovys”, “Juos īluos līluos”, Guntis Rasims. Koncertu papyldynuos Ivara Utināna datorvizualizacejis i humoristiski Arņa Bukša monologi.