Pyrmizruodi pīdzeivuos kina „Ar Latgali sirdī”

Pyrmizruodi pīdzeivuos kina „Ar Latgali sirdī”

„Latvejis suokums ir Latgola. Taišni suokums, navys nūstyurs, nūmale ci beigys. Caur Daugovu, kas ītak Pīdrujā, suocās myusu vaļsts. Latgola ir spūža zvaigzne Latvejis nūvodu zvaigznuojā, bezgola skaista i sirsneiga,” tai par Latgolu i tuos ļaudim soka ar Vidis aizsardzeibys i regionaluos atteisteibys ministrejis atbolstu taiseituos kinys „Ar Latgali sirdī” autori i varūni.

Sadarbeibā ar „Skuba films” i Latgolys planavuošonys regionu radeituo kina kai duovona vaļsts svātkūs tiks pasnīgta latgalīšim i vysai Latvejai.

Pyrmizruode gaidoma 17. novembrī 13:00 Rēzeknē, koncertzalā „Gors”. Sevkurs interesants ir gaidoms iz kinys pyrmizruodi, īeja pasuokumā byus bez moksys.

Pasuokuma laikā uzjiemeigī latgalīši tiks apbolvuoti ar Vidis aizsardzeibys i regionaluos atteisteibys ministrejis Gūda rokstim.

Pīdzeivuojumā par Latgolu skateituojus vess Dīvs Reiznīks i rēzeknīte Sandra Stare, aicynojūt īpazeit režisora Juoņa Streiča dzymtū pusi i rast īdvasmu nu ļaudim, kas atsagrīzuši Latgolā.

 

Ziņu sagataveja: LaKuGa